Ўзбек миллиардери Москвада мигрантлар учун бепул тиббий ёрдам ташкиллаштирди

Клиникада ёрдамга муҳтож чет элликлар, мигрантлар, қочоқлар ва бошпанаси йўқ шахсларга ёрдам кўрсатилади.

 Фаттох Шодиев халқаро фонди ва Рус православ черкови молиявий кўмаги ёрдамида Москва шаҳрида мигрантлар учун бепул тиббий ёрдам ташкил этилди, деб хабар қилмоқда Sputnik Ўзбекистон мухбири.

Ташкилотчиларнинг маълум қилишича, тиббий клиника мигрантларга ёрдам кўрсатувчи марказ ҳисобланмиш "Рядом дом" (Уй ёнингда) ва Авлиё Алексий марказий клиник шифохонаси ҳамкорлигида ташкил этилган.

Бу ерда муҳтож чет элликлар, мигрантлар, қочоқлар ва бошпанаси йўқ шахсларга ёрдам кўрсатилади. Беморлардан фақат паспорт талаб этилади.

Клиника ходимининг сўзларига кўра, тиббий ёрдамга муҳтож мигрантлар мигрантлар иш кунлари соат 08:30 16:30га қадар 7(495) 952-11-41 телефон рақами орқали рўйхатдан ўтишлари лозим.

• email
• facebook
• twitter

Back to the list