Туркия Европада терактлар ташкиллаштирган ИШИД етакчиларидан бирини қўлга туширди

Туркия ички ишлар вазири Сулаймон Сўйлу 15 ноябрь, жума куни ИШИД террорчилик ташкилотининг етакчиларидан бири қўлга тушганини маълум қилди, деб хабар берган «ТАСС».

«Сурияда ИШИД раҳнамоларидан бири қўлга тушди. У Европа ҳамда Туркияда катта терактларнинг амалга оширилишида иштирок этган террорчи. Биз уни сўроқ қилишда давом этяпмиз», — дея таъкидлаган Туркия ички ишлар вазири.

Октябрь охирида Суриянинг Идлиб вилоятидаги операцияда ИШИД етакчиси Абу Бакр ал-Бағдодийнинг ўлгани маълум қилинган, кейинроқ ушбу маълумотни АҚШ президенти Дональд Трамп расман тасдиқлаганди.

Ноябрь бошида Сурияда Ал-Бағдодийнинг опаси, поччаси ва уларнинг келини қўлга тушган. Туркия президенти Ражаб Тоййиб Эрдўғон улардан ташқари собиқ ИШИД раҳбарининг хотини ва боласи ҳам Анқара ихтиёрида эканлигини билдирганди.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.

Манба: daryo.uz

• email
• facebook
• twitter

Back to the list