Афғонистонда толиблар ҳужуми натижасида 11 ҳарбий ҳалок бўлди

Каписа вилояти полиция бошқармаси вакили Абдул Шайиқ Шўришнинг маълум қилишича, олти нафар полициячи Тагоб туманидаги полиция бўлимига уюштирилган ҳужум қурбони бўлган.

Афғонистоннинг Каписа ва Балх вилоятларида «Толибон» ҳаракати жангариларининг ҳужуми оқибатида хавфсизлик кучларининг 11 нафар ходими ҳалок бўлди.

Каписа вилояти полиция бошқармаси вакили Абдул Шайиқ Шўришнинг маълум қилишича, олти нафар полициячи Тагоб туманидаги полиция бўлимига уюштирилган ҳужум қурбони бўлган.

Унинг сўзларига кўра, толиблар ҳам йўқотишларга учраган.

Балх вилояти ҳокимлиги маъмурияти вакили Мунир Аҳмад толиблар Хивад Палас Пўш туманидаги ҳарбий блокпостга ҳужум қилгани, натижада беш нафар ҳарбий ҳалок бўлганини маълум қилди.

Қайд этилишича, жангарилар уч нафар ҳарбийни ўғирлаб кетишган.

Манба: kun.uz

• email
• facebook
• twitter

Back to the list