- Bosh (sahifa)
- Xabardor boling
- Yangiliklar
- Россияда меҳнат мигрантларини коронавирусга қарши эмлаш ҳозирча режалаштирилмагани маълум қилинди
Россияда меҳнат мигрантларини коронавирусга қарши эмлаш ҳозирча режалаштирилмагани маълум қилинди
Мамлакатда коронавирусга қарши оммавий эмлаш 18 январда бошланган.
Россияда хориж фуқаролари, жумладан, меҳнат мигрантларини коронавирусга қарши эмлаш ҳозирча режалаштирилмаган. Бу ҳақда Россия коронавирусга қарши курашиш бўйича тезкор штаби маълум қилди, деб хабар берди Интерфакс.
4 апрель куни мамлакат бош вазири ўринбосари Татьяна Голикова Россияда эмланишни истаган фуқаролар сони кескин ўсганини айтганди.
Мамлакатда коронавирусга қарши оммавий эмлаш 18 январда бошланган.
Ҳозирда асосан «Спутник V» вакцинаси билан эмлаш амалга оширилмоқда. Ўтган ҳафтада регионларга «Вектор» илмий маркази ишлаб чиққан «ЭпиВакКорона» вакцинаси етказиб берилди.
Март охирларида Чумаков номидаги марказда «КовиВак» деб номланган учинчи вакцина ишлаб чиқарилиши бошланди. Вакцина яқин кунларда сотувга чиқиши кутилмоқда.
Манба: kun.uz