Dolzarb! Информация для родителей

Jonli efirda

Dolzarb video

Barcha video

Siz so'ragandingiz

Андижонда 3 ойлик чақалоғини 700 долларга сотишга уринган аёл қўлга олинди

331

Андижон вилоятида 2 нафар боланинг онаси кимдан эканлиги номаълум бўлган 3 ойлик чақалоғини сотишга уринди. Бу ҳақда «Қонун ва ижро» нашрига таяниб, «Халқ сўзи online» хабар берди.

Маълум қилинишича, ушбу хабар тарқалгач, фарзандини сотмоқчи бўлган аёл яшаётган хонадонга чақалоқни кўргани «эр-хотин мижоз» келган. Шу ерда боланинг онаси Ғ. ҳамда О. исмли эркак қиз чақалоқни 700 АҚШ долларга сотмоқчи эканини билдирган. Оғзаки келишувдан сўнг, улар Андижон шаҳридаги «Дарётранс» ёнида кўришадиган бўлган.

Аёл ва эркак 700 АҚШ долларини «мижоз»дан санаб олиб, чақалоқнинг туғилганлик тўғрисидаги гувоҳномасини бериш вақтида Бош прокуратура ҳузуридаги департаменти ходимлари томонидан қўлга олинган.

Суд ҳукми билан О. 5 йил муддатга озодликдан маҳрум этилган.

Онага эса ёш чақалоқ фарзанди борлиги, турмуш ўртоғи йўқлиги, улар онасининг меҳрига муҳтож эканлиги ҳисобга олиниб, Жиноят кодексининг 72-моддаси (шартли ҳукм қилиш) татбиқ қилинган ҳолда шартли жазо тайинланган.

Аввалроқ Сирдарёда уч ойлик чақалоғини 3 минг долларга сотишга уринган аёл қўлга олингани, Наманганда бир ёшга тўлмаган ўғлини 4700 долларга сотишга уринган аёл ушлангани, Урганчда туғилмаган боласини 9 минг долларга сотмоқчи бўлган эр-хотин қўлга олингани, Навоийда бир ойлик чақалоғини 3 миллион сўмга сотмоқчи бўлган аёлга суд ҳукми ўқилгани, Каттақўрғонда 2 ёшли ўғлини 2500 долларга сотмоқчи бўлган аёл ушлангани тўғрисида хабар берилганди.


Манба: daryo.uz


Munosabat bildirmoq


Back to the list