Петербургда босқинчиликда айбланган Ўзбекистон фуқароси қўлга олинди

Петербургда бир қатор босқинчилик ҳолатларини содир этган ўзбекистонлик мигрант қўлга олинди. Кучишлатар тузилма вакилларига сўнгги етти кун ичида фуқаро томонидан шаҳар аҳолиси ва меҳмонларига камида учта ҳужум уюштирилгани ҳақида маълум бўлди, деб ёзмоқда 78.ru.

Ҳуқуқни муҳофаза қилиш органлари ходимлари версиясига кўра, ўзбекистонлик фуқаро биринчи жиноятни 20 ноябрь куни содир этган. У эркакка ҳужум қилиб, унинг қўлидан 35 минг рубллик смартфонни тортиб олган. 

Уйлардан бирининг йўлагига кираверишда эркак кишига нисбатан амалга оширилган ҳужум билан боғлиқ иккинчи воқеа 21 ноябрь куни содир бўлган. 

Шунингдек, 22 ноябрь куни эрта тонгда Шлисселбургский шоҳкўчасидаги 36/1-уй ёнида мигрант эркак кишини бита билан калтаклаб, уяли телефонини ўғирлаб кетган. 

Гумонланувчи кеча тунда қўлга олинган. У изоляторга жойлаштирилди. Бир нечта жиноий иш қўзғатилди. 

Манба: kun.uz

• email
• facebook
• twitter

Back to the list