Dolzarb!

Jonli efirda

Dolzarb video

Barcha video

Siz so'ragandingiz

Нью-Йорк метросида отишма. 13 киши жароҳатланди

180

12 апрель куни Нью-Йорк метросида отишма содир бўлди, шунингдек портловчи моддалар ҳам топилди. Оқибатда 13 киши жароҳатланди. Бу ҳақда маҳаллий полицияга таяниб, CNN хабар берди.

Полиция маълумотларига кўра, воқеа Бруклин метро бекати, 4-авеню ва 36-кўча яқинида содир бўлган. 

Маълумотларга кўра, ҳужумчи газ бомбасидан фойдаланган. У газдан ҳимояловчи ниқоб ва сариқ қурилиш жилетини кийиб, воқеа жойидан қочиб кетган.

Нью-Йорк ўт ўчириш бошқармаси вакилининг маълум қилишича, метро бекатидан бир нечта портлатилмаган портловчи қурилмалар топилган. Бироқ, у айнан нима ҳақида гапираётганига аниқлик киритмаган. 

Айтиш жоизки, полиция воқеа жойида “фаол портловчи қурилмалар” йўқлигини таъкидлаган.

Кейинроқ полиция воқеани теракт сифатида текшираётгани маълум бўлган.


Манба: qalampir.uz


Munosabat bildirmoq


Back to the list