Туркия фашизм бутун Европа бўйлаб тарқалаётганини айтди

Ўтган ҳафта – 22 январь куни Ўнг қанот экстремистик “"Жесткий курс" (“Қаттиқ курс”) партияси етакчиси Расмус Палудан Туркиянинг Стокольмдаги элчихонаси олдида расмийлар рухсат берган акция вақтида Қуръон нусхасини ёқиб юборган эди. 27 январда аввалига у Копенгагендаги масжид олдида, кейин эса Россия ва Туркия элчихоналарида айни амалини қайтарди.

“AFP” агентлиги хабарида, у ўз ҳаракатларини Анқара Финляндия ва Швециянинг НАТОга киришига қўллаб-қувватламаслигига норозилик, деб атади.    

Шунингдек, Палудан “Aftonbladet” газетасига берган интервьюсида Туркия икки Европа давлатининг Шимолий Альянс кириши учун тегишли ҳужжатларни ратификация қилмагунча ҳар жума куни Қуръоннинг бир нусхасини ёқишга ваъда берди.

Туркиянинг ҳукмрон Адолат ва тараққиёт партияси матбуот котиби Омер Челик Данияда Қуръон ёқиб юборилганига изоҳ берар экан, “Дания қабиҳ фашистга муқаддас китобимиз Қуръонга қарши нафрат жиноятини содир этишга рухсат берди. Биз буни қаттиқ қоралаймиз. Фашизм Европани эгаллаб олганига жим турганлар ўзларининг демократиясини йўқ қилмоқдалар”, деб ёзди ижтимоий тармоқларда сиёсатчи.  

Манба: ЎзА

• email
• facebook
• twitter

Back to the list