Москва вилоятида заҳарланган 23 нафар ўзбекистонликка 23 август куни касалхонадан чиқишга рухсат берилади

Москва вилоятининг Котельники шаҳрида заҳарланган ва касалхонага ётқизилган 23 нафар ўзбекистонлик қурувчи барча зарур нарсалар билан таъминланган. Бу ҳақда Ўзбекистоннинг Россиядаги элчихонаси маълум қилди, дея хабар беради Sputnik.

Уларга бугун, 23 августдан бошлаб касалхонадан чиқишга рухсат берилиши кутилмоқда.

Заҳарланиш оқибатида бир нафар ўзбекистонликнинг ҳалок бўлиши юзасидан жиноий иш қўзғатилган. Барча тегишли тадбирлар якунланганидан сўнг марҳумнинг жасади ватанига юборилади.

Бунга кетадиган барча харажатларни ўзбекистонликларни «Оранж парк» турар жойи қурилишига ёллаган Boes Construction компанияси ўз зиммасига олишини билдирди.

Манба: daryo.uz

• email
• facebook
• twitter

Back to the list