Афғонистонда учинчи ИШИД етакчиси ўлдирилди

Кеча, 27 август куни Афғонистон шарқидаги Нангарҳар вилоятида ИШИДнинг минтақавий қаноти етакчиси Абу Саид Оракзай ўлдирилди. У Сад Архаби номи билан ҳам машҳур бўлган.

Хабар қилинишича, Оракзай ва яна 10 нафар жангари Хогьяни уездига берилган ҳаво зарбаси натижасида йўқ қилинган. Зарба афғон Ҳарбий ҳаво кучлари ва коалиция кучлари томонидан берилган.

Маълумот учун, Оракзай 2016 йил июлдан бери Афғонистонда ўлдирилган учинчи ИШИД қўмондони бўлди. У 2017 йил апрелда Абдулла Хасиб ўрнини эгаллаганди. Хасиб ҳам ўз навбатида 2016 йил охирида йўқ қилинган Ҳафиз Саид Хоннинг ўрнига келганди.


Манба: qalampir.uz

• email
• facebook
• twitter

Back to the list

---