Пентагон Суриядан ўз қўшинларининг олиб чиқилиши шартларини айтиб ўтди

АҚШ мудофаа вазири Жеймс Мэттис АҚШ қуролли кучларининг Суриядаги вазифаларини ва қўшинларнинг ушбу мамлакатдан олиб чиқилиши шартларини айтиб ўтди.

“Биринчидан, ИШИДни йўқ қилишимиз лозим. Биз ИШИД тўлиқ йўқ қилинганига ишонч ҳосил қилишимиз керак. Шунингдек, биз маҳаллий қуролли кучларни тайёрлашимиз лозим ва бу борада махсус машғулотлар ўтказмоқдамиз. Учинчидан, бизга фуқаролик урушини тугатиш йўлларини топишги имкон берувчи, БМТ томонидан тан олинувчи Женева жараёни лозим”, деб айтган Мэттис журналистлар билан матбуот анжуманда.

“Агар маҳаллий кучлар хавфсизликни таъминлай олса, унда биз қўшинларни қисқартиришни бошлашимиз мумкин”, деб таъкидлаб ўтган вазир.

Апрел ойидаёқ АҚШ президенти Дональд Трамп Вашингтон яқин орада Суриядан қўшинларини олиб чиқишни бошлаш имкониятини кўриб чиқаётганини айтганди.

“Сурияга келсак, мен аскарларимиз уйларига қайтишларини истайман. Улар буюк иш қилишди. Биз Ироқ ва Сурияда ғалаба қилдик ва ростини айтганда, биз қўшни давлатлар ва ўз давлатимизга катта хизмат кўрсатдик”, деб айтганди Трамп.

Манба: kun.uz

• email
• facebook
• twitter

Back to the list