Россияда 7 ўзбекистонлик ёниб кетган ангарни ижарага олган аёл колонияга ҳукм қилинди

Санкт-Петербургнинг Колпинский туман суди ўзбекистонлик етти нафар ишчи ҳалок бўлган ангарни ижарага олган Юлия Забуновани икки йиллик ҳибсга маҳкум этди, деб ёзадиSputnik.

Суд Забуновани Россия Жиноят кодексининг 219-моддаси 3-қисмида кўзда тутилган жиноятда айбдор деб топди.

«Забунова айбига иқрор бўлмади, судга фақат «баъзи маънавий масъулият»ни англаб етганини маълум қилди. Суд муайян лавозимларни эгаллаш ҳуқуқидан 2 йил муддатга маҳрум қилган ҳолда, умумий режимдаги ахлоқ тузатиш колиниясида 2 йилга озодликдан маҳрум қилиш жазосини тайинлади», — суд хабарида.

Таъкидланишича, Юлия Забунова ноқонуний ишчиларнинг ёнғинга қарши зарур кўрсатмалар олишини таъминламаган.

Ангардаги ёнғин 2017 йил 13 июль куни кечаси юз берган. Вайроналарни текшириш чоғида етти кишининг жасади топилган.

Манба: daryo.uz

• email
• facebook
• twitter

Back to the list