- Bosh (sahifa)
- Xabardor boling
- Yangiliklar
- 2018 йилнинг 9 ойи мобайнида Россиядан Ўзбекистонга $3 миллиардлик пул жўнатмалари юборилган
2018 йилнинг 9 ойи мобайнида Россиядан Ўзбекистонга $3 миллиардлик пул жўнатмалари юборилган
2018 йилнинг 9 ойи мобайнида Россиядан Ўзбекистонга 3 млрд долларлик пул жўнатмалари юборилган. Бу ҳақда Россия банки ўз ҳисоботида келтириб ўтади.
Учинчи чоракда Россиядан Ўзбекистонга 1,1 млрд доллардан ортиқ пул жўнатмалари юборилган бўлиб, ушбу кўрсаткич биринчи чоракка нисбатан 60 фоизга кўп. Жорий йилнинг иккинчи чорагида Россиядан Ўзбекистонга 1 млрд доллар пул жўнатилган.
Банк маълумотларига кўра, учинчи чоракда Россиядан пул жўнатмаларининг энг кўпи МДҲ давлатлари ичида Ўзбекистонга юборилган.
Россиядан пул жўнатмалари ҳажми бўйича Ўзбекистондан сўнг иккинчи ўринда Тожикистон турибди. 2018 йилнинг 9 ойи мобайнида ушбу мамлакатга Россиядан 779 млн доллар жўнатилган.
Олдинроқ, Ўзбекистон Марказий банки 2018 йилнинг олти ойида Россиядан Ўзбекистонга пул жўнатмалари ҳажми 2,3 млрд долларни ташкил этганини ва бу кўрсаткич ўтган йилнинг айни шу даврига нисбатан 14 фоизга кўп эканлигини маълум қилганди.
Манба: turon24.uz