Ўзбекистон парламент делегацияси Россиядаги ўзбеклар билан учрашди

Москвадаги Ўзбекистон элчихонасининг биносида Ўзбекистон парламент делегацияси Россиядаги ўзбеклар билан учрашди. Бу ҳақда Ўзбекистон Сенати ахборот хизмати хабар берди.

Тадбирда хорижий мамлакатлардаги Ўзбекистон фуқароларининг ҳуқуқ ва эркинликларини ҳимоя қилиш, Ўзбекистон ҳудудида фуқароларнинг профессионал фаолият юритиши учун қулай шарт-шароитлар яратиш каби аниқ мақсадлар белгиланди.

Бугун, 8 ноябрда Ниғматилла Йўлдошев бошчилигидаги Ўзбекистон делегациясининг Россияга сафари якунланди.

Учрашув доирасида фармацевтика ва косметика, кимё, қишлоқ хўжалиги, озиқ-овқат ва енгил саноат, балиқчилик, ахборот-телекоммуникация технологиялари, энергетика, машинасозлик, хомашёни чуқур қайта ишлаш соҳасида Ўзбекистонда юқори технологик ва замонавий корхоналарни ташкил этиш бўйича Россиянинг етакчи компаниялари билан ҳамкорлик қилишга келишиб олинди.

Аввалроқ, Ўзбекистон Олий Мажлиси Сенати раиси Ниғматилла Йўлдошев Россияда истиқомат қилаётган ўзбекистонликлар билан учрашиши ҳақида хабар берилган эди.

Манба: turon24.uz

• email
• facebook
• twitter

Back to the list